炮炮子 ♦ 窮貴婦生活雜記

♦ 夢想係成為貴婦
      理想係旁人以為我係貴婦 ♦

♦ ♦ 我喜歡BlingBling
我中意扮靚
我中意煮野食
我中意DIY
但, 我唔係咩淑女
不過我過得快樂♦

我只想分享我的快樂 ♦ ♦

而哩個Blog仍係我一手一腳砌出黎, 希望大家支持一下啦! :)

聯絡方式

Instagram:lawbaobao
 
拒做方包超人!齊來做 V 煞 !!! ~ Be Beauty Skin Care 唯美研肌 - 菅式骨氣美容
日期 :30 June, 2014
  1. 分類 :
  2. 分享
  3. 扮靚

港女嘛,十個有8個我諗都係想做冰冰多過麵包超人~

話就話個下巴吉得死人,但心裡都係「如果再尖DD就好喇,DD啦~唔洗太尖」

而我呢?

飲酒前就係方包超人

飲酒後先至係麵包超人(三小時極速水腫~)

 

水腫,最快捷ge方法係飲薏米水~做運動~水腫好快搞掂je!

而唔係水腫ge麵包,咪減肥囉;再唔係總有瘦面霜哩類型產品;(講就好似好易,但都係一個努力就有成果ge方法丫?)

 

我一直都諗,要去韓國削一削佢先可以趕走方包超人哩個瘟神~

原來.... 真係有還原靚靚拳 @口@

不過就唔係真係一拳中落黎,係「啪」骨~!

 

啪骨係韓國傳統美容方法~正名其實係"骨氣療法"

我諗係整容風行前,大家都會依靠啪骨黎做 V 面~

(其實重點都唔係V面為主)係針對面部唔對稱、歪面同埋面骨過大等問題

而我自己,係右邊骨頭突d(但影相又中意影右邊,雀斑少D丫嘛...)

 

咁早前我就去左唯美研肌做左一次菅式骨氣美容(Kan Korugi Beauty Healing Therapy)

"菅式骨氣是利用按摩“骨骼”而改變臉和身體的治療,將力量施加到骨骼和皮膚之間的淋巴管和血液循環系統,這種按摩有效幫助血液循環,去水腫,達到淋巴按摩效果之餘,也可以糾正顏面不對稱、整型後管理、瘦面和緊緻的效果。媲美整形, 但不需手術也能達致最佳效果。"

** 創辦人= 菅貞子, 在韓國推廣"骨氣療­法"超過三十年。於2011年, 在日本開立菅式骨氣美容學院,致力宣揚以人手瘦面的健康整形手法.

 

(Be Beauty 暫時係香港唯一一間得到“韓國小顏骨氣美容協會”的認證,係日本&韓國最高權力仲有最有保證的機構。而美容師都專誠飛去日本學習,仲有證書架! 絕對唔係普通人就可以幫你做! )

 

咁我就去左TST分店,上到去一出LIFT,門口旁都有大大隻字寫住"骨氣療法",咁應該係哩度喇
(其實右邊有大大個招牌,但我盲喱無視左)

 

門旁邊就係哩個櫃,就咁望有D恐怖,但哩堆野好重要,一陣再講係乜
 

 

今日幫我做啪骨ge係美容師Yamaha

上到去周圍坐下,影兩張相,抖一抖,飲啖美容師送上ge玄米茶就去換衫準備啪骨喇!

(我想講一樣唔多關啪骨事ge野...就係哩杯玄米茶好好飲!! XD)

 

咁首先入化妝間(?)換袍換拖鞋,之後就轉入房仔啪骨喇

(順帶一提,哩度有齊locker,沖涼房,風筒等等~)
 

 

一入去,美容師問左我一句「怕唔怕痛?」其實我一早知係會痛,並唔係訓係度可以訓覺ge Facial~ 不過佢話怕痛就會就住~ 我係話左「怕」ge XD

咁訓係度後,佢就首先幫我落妝 > 洗面 > PEELING去角質

順便睇下我塊面問題係邊,佢就話我右邊骨係跌左落去~都幾嚴重果隻

咁原來成因都好多ge,習慣用一邊食野啦,食香口膠啦,托頭,同埋我覺得最關我事ge~ " 賴皮撻梳化 " lol

搽埋保濕MASK就要倒模喇~ 原來每逢第1次,第8次,同埋最後1次都會倒模做對比~ 唔係口講話"照下鏡睇下, 係咪尖左呢?!
 

(我覺得佢封住眼口果時好好笑 XD)

 

咁倒模都起碼要等20分鐘

期間個模會發熱,哩段時間好舒服,尤其係剛放工,覺得熱敷時個人會舒服d~

加埋佢搽左MASK先倒模~ 熱敷會幫助吸收 ~ 石膏熱得唔好晒!! XD

不過淨係熱左5~10分鐘左右就變番凍LU > < |||

之後會開始FEEL到個模好緊~不過唔會唔舒服ge~

咁差唔多時間美容師就會入黎幫我脫殼喇 !

 

脫左殼抹左面,搽D按摩油~

周圍都按下,推下~面,頸,背~有D似平時做facial 按肩頸

但無幾耐,戲肉黎喇~ 我諗係啪骨成效就係睇哩個過程

就係"小顏骨氣按摩療法"

美容師會用佢隻手,不停摩打手將下巴骨向腮骨方向推~

對唔字,我係無辦法係哩個過程影相~因為真係幾痛下....  我要顧住咬實牙關....

哩個痛ge時間我諗大約維持5~7分鐘

之後會變番輕輕按摩,最後仲會按下個頭~哩個過程係舒服ge~

咁按好, 就再敷石膏模 ~ 又可以熱敷多次 =3=

敷完,抹乾淨,搽番d 面霜,就搞掂喇!

 

剛剛按完,塊面係有d浮腫ge

變左包包,係側面睇,係知道自己右邊鰓骨無咁突

30分鐘後.再照鏡,已經消左D腫喇 !!!!

1) 按前

2) 按後

3) 完成 有點腫 ~ 由方包超人變左紅豆包超人(即係大家熟悉的麵包超人啦!)

4) 30分鐘後明顯消腫

 

老實說,係(3) 果時我係極度害怕自己推完之後竟然變左圓形~ 不過30 分鐘後見到好D, 就放心晒啦!

 
睇下我個前後對比石膏模
 
 
 

之後3日,腮位係會痛,上妝輕摸塊面都會痛(Mr.K仲摵左我塊面一下....)

5日左右,消晒腫~ 唔痛喇~ 自己睇下有無分別啦 :p

(睇相其實我都唔覺太分別,不過自己會摸到圖片舊腮骨無以前咁突)

 

 

 

 

如果大家想試,依家可以$398 試做一次(原價$980)

詳情大家可以睇下面哩個網址,入面有做多於10次療程ge對比照片 ~ !

~ Link here ~

 

 

 

唯美研肌 Be Beauty Skin Care

網址:http://www.bebeautyskincare.com/

地址:沙田大圍積存街22號A舖(2602 1833)
   尖沙咀金馬倫道10號宏威中心6樓全層(2369 8818)

- 如果有朋友介意自己個樣比我貼左出黎,或者介意我貼左閣下ge攝影作品,講聲我知 -