炮炮子 ♦ 窮貴婦生活雜記

♦ 夢想係成為貴婦
      理想係旁人以為我係貴婦 ♦

♦ ♦ 我喜歡BlingBling
我中意扮靚
我中意煮野食
我中意DIY
但, 我唔係咩淑女
不過我過得快樂♦

我只想分享我的快樂 ♦ ♦

而哩個Blog仍係我一手一腳砌出黎, 希望大家支持一下啦! :)

聯絡方式

Instagram:lawbaobao
 
Live in passion 張敬軒有洋蔥演唱會
日期 :25 October, 2014
  1. 分類 :
  2. 演唱會 | 舞台劇

哩幾年睇過嘅演唱會都唔少
最喜歡嘅林俊傑睇過
無敵聲線林憶蓮睇過兩次
靚仔周柏豪睇過 
仲有好多好多
                            
但今場張敬軒係我覺得最好睇嘅一次
(先講明,我無睇joey,eason等等)
 
張敬軒聲線靚到仆街,哩樣其實唔洗多講但都係要再講,真係好撚靚聲!
舞台看似普通,但配合燈光真係一流,好靚!
嘉賓並唔係出黎唱一首等你去換衫,而係一個好好嘅合作表演!
每一分鐘我都可以好好欣賞,即使首歌唔啱聽唔緊要,睇下舞蹈員跳舞,睇下燈光,台上嘅藝術品,每一部分都令我投入左三個幾鐘! 
 
王苑之出場唱左守望,我爭d咇出眼淚.. 一首我好喜歡ge歌!!
之後一部好靚ge"對唱琴" 出左黎... 佢地兩個ge表演.... 真係好正!
 
但全晚我最喜歡係以下一部份...
講起人越大, 身邊越黎越多野慢慢失去, 唱左笑忘書。
本身都只係"好投入",
直到唱完, 譚玉英姐姐出場... 哩個連接位我竟然即刻鼻極酸! 好想喊出黎! 譚玉英講完一整段, 軒仔再開始唱青春常駐~ 我都忍住 (眼淚就流左喇, 係忍住唔比人知我喊!) ~ 譚玉英除低每件屬於 "烏捽捽" ge 野.. 軒仔喊住唱.. 落台... 真係睇到人都慘埋 T^T
感動一來係因為佢地ge演譯,二來係因為佢選擇左"譚玉英" 哩個人,一個並唔係"當紅藝人"ge人,而係一個大家兒時都開始認識ge人,令我好滾動。
 
未睇林俊傑果時,我講過"假如JJ黎香港開,我一定拎定紙巾睇入去喊!" ~ 最後我流偷偷左三滴馬尿 ~
今日張敬軒,真係殺我一個X手不及 ~ 我竟然係去到想"喊出黎"ge地步,好幾分鐘先冷靜到落黎!
軒仔你好野!
 
除左表演者上令我好感動之外,
觀眾都令我好感動,當軒仔表演一part"翻唱歌",表明係會現場收錄,開頭一開始唱,有觀眾好慣性地歡呼,但好快比另一批觀眾"0殊"佢,以免影響收音。再之後幾首,大家都好"按奈",靜靜地欣賞,相 當 乖!為左哩一part,下隻碟必買!
(係場外都買左最近出果隻新碟喇 =3=)
 
 
 
感謝張敬軒同埋所以工作人員
令我睇到一場咁好睇ge SHOW
超真心多謝~

- 如果有朋友介意自己個樣比我貼左出黎,或者介意我貼左閣下ge攝影作品,講聲我知 -